Spelarar frå 58 lag spelte 92 kampar i både regn og finvêret i dag og det var god stemning på banane.
– Me spelte mot eit lag frå Grinde og då er det viktig å ikkje tape. Eg spelte ein omgang ute og ein som keeper. Aller kjekkast å spele ute, men eg slapp berre eit mål, sa ein nøgd Sindre.
– Kjekt at det blei litt betre vêr utover dagen. Det var frykteleg vått dei første timane. men det har gått greitt, spelarane kosar seg og det er det viktigaste, seier Kåre Breiteig, leiar i Skjold IL.
Meir frå cupen og bilder kjem i avisa på torsdag.