– Ikkje det beste vërete å springe i, men eg fann ein fin rytme og kunne rykke i bakken i Førrebrekka. Da var det plutseleg 50 meter ned til dei to neste. Men eg visste dei ville jobbe saman, så eg måtte holde farten oppe. Får vere godkjent dette i så mykje motvind, seier Thomas Finshus frå Stegaberg.
Bak han var det ein knallhard duell mellom Øyvind Aksland og triatlonutøvar Ketil Odland. Dei kom saman ut på oppløpet, men Odland hadde mest fart og blei nummer to i løpet som var for 67. gong.
Suveren
I kvinneklassen var nok ein gong Maryna Novik frå Klypetussen i ein klass for seg sjølv.
– eg har hatt ein liten pause og trenger nok litt tid før eg er tilbake heilt i toppslag. Men 18,36 er eg godt nøgd med. Var einløype som passa meg godt. Kupert og svingete er midt i blinken. Vått, men kjekt, seier Novik.
Barneløp
Også eit solid koppel med ungar trossa vêret og sprang 400 meter i barneløpet.
Les meir om Tysværtrimmen på torsdag i papirutgåva.