Av Håvard Førland
Leik er førebuing til vaksenliv, til arbeidslivet og alle dei utfordringane som ventar lenger framme.
Ein måte å bli god på er å konkurrere, finne passe utfordingar og jobbe bevisst mot eit mål. First Lego League har som uttalt mål å bidra til å auke interessa for realfag og teknologi ved å utfordre deltakarane gjennom reelle problemstillingar med ein arbeidsmetode som har det verkelege arbeidslivet som mal.
Vi snakkar om ein læringsmetode organisert som ein kunnskapskonkurranse for barn og unge i alderen 10-16 år.
Den er blitt arrangert sidan 2000, i eit samarbeid mellom organisasjonen FIRST LEGO Company og Statoil sitt talentutviklingsprogram «Morgendagens Helter».
Massemønstring
I 2014 deltok 865 lag i dei skandinaviske finalane. På verdsbasis deltok over 265 000 barn frå 80 land i 2014, og det er forventa at over 290 000 barn og unge skal delta i 2015, vi snakkar med andre ord om massemønstring.
Hensikta med arrangementet er som nemnt å auke interessa for teknologi og vitskap og stimulere dagens ungdom til å bli morgondagens ingeniørar og forskarar.
Kjerneverdiane i konseptet er å jobbe løysingsorientert saman som eit lag med støtte frå vaksne. Det å lære, oppleve og erfare er viktigare enn det å vinne. Deltakarane deler erfaringar med andre, skal vere gode konkurrentar og opptre vennleg og profesjonelt i arbeidet. Det er viktig å ha det gøy!
Les heile saka i papirutgåva.