På torsdag 28. mai er det tid for andre etappe i Tour des Fjords. Etappen startar i Jondal og har målgang på Rådhusplassen i Haugesund.
I fjor gjekk rittet langs E134 nesten utan unntak, men i år er det lagt til ei lita endring i ruta mot Haugesund.
Dagen startar i Hardanger omtrent som i fjor, og går på gamle Rullestad, langs ein del av den gamle Åkrafjordvegen, Etne, Ølen, Ølensvåg, Knapphus, der dei tar av og køyrer ned til Kårhus og over Tørsdalen via Skjoldastraumen, Grinde og målgong i Haugesund.
Etter mi meining er Tørsdalsbakken ei verkeleg perle å følgje proffane sitt slit. Her får ein litt tid å følgje dei opp den ca. 20% bratte kneika, og eg vil tru at både Vats og Skjold kan bidra til å skape ein skikkelig Tour de France kjensle opp denne bakken. Eg vil tippe ryttarane er der ca.16.30, men det er nok smart og stille seg opp ein liten time før.
Kom igjen alle Vats og Skjoldabuar! Ver med å bidra til å visa fram bygdene våre på den beste måten for nesten 70 land!
I fjor greidde Ølensvåg det, i år er det Vats og Skjold sin tur!
(PS: Hugs at parkerte bilar ikkje må stå til hinder for kortesjen når dei kjem). Det må også nennast at neste dags etappe startar på Stord og går same vegen over Tørsdalen igjen før målgong i Sauda. Så då får me altså to sjansar til å følgje dei lokalt.