Det blei rom for diktlesing, pizza og kake, allsong med Geir Toskedal i front, foredrag av forfattar og pedagog Caroline Tidemand-Andersen, ansiktsmaling og dans under feiringa.
For nokre blei det også tid til å pleie kjærleiken.
– Me er kjærastar. Har vore det ei stund no. Det er veldig kjekt å både treffe så mange andre her i dag, og få tilbrakt tid saman, seier Daniel Østrem Gaupås og Therese Bastholm.
Det var i desember 2011 at FN vedtok 21. mars som Verdas Downs syndrom-dag. Det måtte bli 21. for å markere det ekstra kromosomet som dei med den vanlegaste typen Downs har; Trisomi 21.
I neste utgåve av Tysvær Bygdeblad den 4. april, kjem det mange fleire bilde og ein lengre sak frå Verdas Downs syndrom-dag.