Sjansesløseri og 0-0

Det blei på ingen måtar nokon typisk 0-0-kamp i Grinde. Begge lag skulle og burde hatt seg ein skåring og to. Og nesten «som vanleg» blei Skjold snytt for eit soleklart straffespark på heimebane. Denne gongen var det Roy Pedersen som var for feig og som hadde for stor angst for å straffe meir kjente FKH-arar

Men gløym domaren for i denne kampen er det spesielt tre spelarar som kjem til å hugså sin sjanse.

Først var det Morten Frøland som på kjent vis sparng frå alt og alle og berre skulle pløassere ballen forbi keeper Ruben Aksnes. Men ballen hoppa og spratt på den dårlege matta og keeperen fekk redda.

Så berre minuttar seionare landa ballen hos Espen Helgeland. Frå et par meter hald skulle han berre plassere ballen i opent mål.

Om dei to sjansane var store går prisen for dagens bok til FKH-spelar Arent Emil Hauge. Han runda elegant Skjold-keeper Andreas Jacobsen. For opent mål sendte han ballen over målet og dermed «måtte» det ende 0-0.

– Det var ein grei kamp av oss, men me burde skåra, sa Skjold sin bestemann Jonas Risanger.

– Eg hadde berre fokus på ballen, men fekk den ikkje inn. Surt, for denne kunne me vunne, sa Espen Helgeland.

– Me mangla ein del folk og var litt heldige at det gjorde FKH også. Me hadde grepet om kampen lenge, skapte sjansar men fekk dessverre ikkje mål. Men solid var det likevel, seier trenar Håkon André Waage.

Meir om kampen i papirutgåva på torsdag.