Ingen fare for Falkeid

– Eg må få lov til å seie at eg har hatt stygge tankar før dagens kamp. Tenk om dei plutseleg skulle vinne sin første kamp i år, mot oss. Heldigvis var me skjerpa og styrte kampen i samtlege 90 minuttar. Me var betre i alt og vann heilt fortent. Etter kvart blei det store rom å springe i og tidvis spelte med svært god angrepsfotball og haldt fram med å skåre også etter at me hadde leia 4-0 ved pause, seier Lindanger.
Han skåra fire av måla, fleire etter solid forarbeid.
– Jan Egil (Kallekodt) og Kjelli (Kjell Andreas Lindgren) serverte dei to første. Så fekk eg ta ein straffe. Nei, dette var dagen då ballen rulla vår veg og nå er me sikra 5. divisjon også neste år, seier Rune Lindanger som ikkje har bestemt seg for om han speler i klubben neste sesong.
Siste heimekamp
Ein som garantert ikkje er med neste år er spelande trenar Frode Hundsnes.
– Dette var den siste heimekampen og eg er godt nøgd med måten laget løyste den litt vanskelege situasjonen me hadde hamna opp i. Eg såg tidleg at i dag var det klasseskilnad på laga og det er bra å orke å stå på heilt ut og skåre ni mål. Nå håper eg at dei får på plass ei god spelegruppe til neste år, med ei fin blanding av unge og rutinerte spelarar, seier Hundsnes som avslutta på Troppene med to mål på ni minutt.
Falkeid avsluttar neste helg mot Torvastad på Karmøy.

Resultat:
Sauda – Leirvik 3-3
Ferkingstad – Torvastad 2-1
Karmsund – Ølen 2-1
Sveio – Stegaberg 0-7

Dette var vekas kamp, så meir i papiravsia neste torsdag.