Av Alf-Einar Kvalavåg
Det har lenge vore kjent at Frakkagjerd og Nedstrand har mykje radon i bakken. Gassen som er luktfri smyg seg inn gjennom opningar og sprekker i bustadar, og kommunale bygg. Kor høge verdiar som finnest vil ein nå gjere ein omfattande jobb for å kartleggje.
– Er det farleg å bu i Tysvær med tanke på dei høge radonverdiane?
– Nei, kjem det kontant frå Ole-Johnny Espevold, radonmålaransvarleg i drift og vedlikehald.
Han har nå ansvaret for å kartleggje og gjere tiltak for å få ned dei verdiane som er over dei grensene som Statens Strålevern har som retningsliner.
– Likevel er det målt verdiar over 200 Bq/m3 og der har me allereie starta ein prosess med å få talet ned. Me har ansvaret for offentlege bygg og der kor me har gjort grep allereie er i Nedstrand barnehage, på Grinde skule og på Førre skole. Ingenting dramatisk, men eit forsøk på å få talet ned, seier Espevold.
Radonbrønn
Eit av tiltaka er å montere såkalla radonbrønnar.
– Det ein gjer då er at ein kjerneborer omlag 30 centimeter ned i bakken, monterer ei vifte og sug ut radonet og slepp den ut i friluft. Til no har me gjennomført 25 slike monteringar og resultata ser svært lovande ut, seier Espevold og viser grafikk frå barnehagen i Hinderåvåg.
Les heile saka i papirutgåva