Stegaberg er ustoppelege

– Me speler ikkje nokon god kamp og gjer det vanskeleg for oss sjølv. Men me gir ikkje opp og får som fortent. Espen Tørresdal kjempa inn 1-0 i 1. omgang og då så det greit ut. Så skåra dei rett etter pause og det var slapt av meg. Men så fekk eg og Mandius (Vårvik) til eit flott angrep kor me spelte saman og eg kom til ein skåringssjanse. Eg finta vekk ein midtstoppar og sendte ballen i mål, gliste Kristoffer Askeland etter kampen.

Men hans 2-1-skåring blei utlikna sekundar etter. Klabb og babb i Stegaberg-forsvaret gjorde at ballen trefte handa til Ådne Nærheim. Straffe og 2-2.

– Me har vist at det er skikkeleg guts i laget og gav ikkje opp. Dermed blei det Vemund Eskevik som avgjorde det heile og me rydda unna i sluttminuttane, seier trenar Thormod Ness.

– Kva tenker du om sju sigrar på rad og topplassering?

– Me er der fordi me står saman som lag. Dette er resultat av satsinga me har hatt på å bygge noko saman i laget. Trur ikkje me skal begynne å feire noko som helst,

– Herleg?

–Utruleg herleg at me klarar å stå på heilt inn og vinne slike kampar. Spesielt når mange av dei andre topplaga spelte uavgjort i går, seier Ness.

Askeland og Espen Tørresdal var best på eit jamnt Stegaberg.

Tabellen:

Lag – kamper – poeng

5. div. avd 3

Stegaberg         8         21

Sauda              8         17

Ølen                8         14

Leirvik             8         14

Etne               8         11

Falkeid         8         10

Ferkingstad   7         10

Nord             8         9

Karmsund     8         8

Vedavåg 2    7         7

Kopervik 2   7         7

Skånevik IL  7         1