Redda av superinnbyttar

Stegaberg 2 trenast av Joachim Kvalavåg. Då laget stanga i veggen og ikkje fekk det til mot Haugar 3 i kveld, sendte han innpå broderen med 20 minuttar igjen å spele. I løpet av åtte minutt hadde Sindre Ø. Kvalavåg utlikna til 2-2. Like før slutt henta han ned eit håplaust oppspel, og serverte Andreas Nyvoll som skåra, og sikra tre poeng.
Dette var ein ny «måttevinnekamp» for Stegaberg 2. Og det såg lyst ut då Lars Erik Kolstø skåra etter berre fire minuttar. Eit par meter offside var det nok, men slik er det i denne divisjonen. Ein tar og gir.
Så rakna det fullstendig igjen. Haugar satte innpå frakkagjerdbuen Andreas Fludal, og han dundra ein corner direkte i mål. 1-1 til pause må Stegaberg vere mest glad for.

Snudde to gonger
Haugar snudde så kampen med ein skåring like etter pause. Dei overtok meir og meir av spelet, men det var langt mellom målsjansane begge vegar. Så kom byttet, Stegaberg vakna og sikra seg tre viktige poeng.

Karmsund 2 – Sveio 2 1-1

I morgon møtest Ferkingstad 2 og Nedstrand. Kampstart klokka 20.00