– Det er ein stor dag, ikkje berre fordi me får eit flott kryss, men fordi det gjennom heile porsessen har vore eit godt samspel mellom dei som bur her, dei som jobba her, og dei som har planlagt dette prosjektet. Nå kan me bytte ut eit farleg kryss på E134, med eit nytt oversikteleg toplankryss, kor ein også har brukt mykje tid og pengar på at det skal passe inn i naturen, sa dei tre i sine talar ved opninga.
Det var berre godord å høyre. Til tonar frå ein skikkeleg vårmedley av Førre Musikkoprs og elevar frå Førre skole, kunne trioen gjere seg klar til klipping av bandet.
– Me vil gratulere Tysvær og alle som bur her med dagen. Nå er arbeidet over og resultatet er me stolte av. Utruleg kjekt at så mange ville vere med på festen. Eg kjenner det faktisk i brystet, sa Astrid Eide.
– Eg vil også gratulere. Dette er eit resultat av Haugalandspakken og eit godt bevis på kva ein kan få til om ein går saman. dette gir oss ein tryggar veg, både for bilastar og for dei mjuke trafikkantane, sa fulkesordførar Ege Tengesdal.
Vegprosjektet til 127 millionar kroner er finansiert gjennom Haugalandspakken. Totalt har Tysvær nå fått vegprosjekt til 270 millionar kroner sidan oppstarten i 2008. Det er 22,5 prosent av inntektene i pakken.
Oppstart for arbeidet med krysset var september 2014 og det heile blir opna ein månad tidlergare enn planen.
Meir om opninga i papiravisa neste veke.