«Ny» Grethe med ny musikk

Mange på Haugalandet og Tysvær har hatt eit nært forhold til artisten Svensen. Heilt frå skikkeleg gamle dagar då ho song i kor, via Oslo Gospel Choir, soloalbum og Grand Prix deltaking. Soulstemma gav henne suksess og mange speleoppdrag. Mellom anna hadde ho eit spennande prosjekt med Aksang for ein del år sidan.

Nå er ho på ein slags måte tilbake med ein litt anna og nedstrippa musikk. Saman med halve gamle Vamp som band har ho satt musikk til venninna Sigrun Gilje Heimdal sin

Det er annleis enn den varme soulrøysta som kjenneteiknar Svensen si karriere. Men det er nakent og vakkert, lett lyttbart og med Økland, Apeland og Støle i bandet blir det noko elegant over det. Og mange vil nok også sette pris på at ho syng på norsk, sjølv om Sauda-dialekta for lengst er øydelagt.
Det å ta eit sprang og byte litt stil i vaksen alder er det mange som har gjort. Dette er eit eksempel på at det kan vere både inspirerande og litt nytt for fansen og den trufaste lyttarskaren.

Svensen har dei siste åra spelt ein del konsertar med Torbjørn Økland og hans gitarar. Lydbilete her minner litt om dette samarbeidet.
Slik musikk er alltid velkommen og eg trur mange vil både bli glad og litt overraska over «Tusen fryd», – ei låt eg tippar er litt annleis live enn på digitale plattformer.
Kanskje stikk ho innom Tysvær ein dag, det hadde vore stas.

Alf-Einar Kvalavåg