– Fortel om skåringane.
– Den første kom etter svakt forsvarsspel hos dei. Eg snappa eit svakt tilbakespel og vippa ballen forbi keeper og i mål. Det andre var det klasse over. Sondre (Bådsvik) spelte med nydeleg igjennom og eg vippa ballen over keeper og i mål.
Comeback
Skjold stilte med både Håkon og Sondre Bådsvik mot Djerv 1919. Dei blei speleklare denne veka og var heil klart forsterkingar for Grinde-laget. Håkon haldt laget inne i kampen med fleire solide inngripen i 1. omgang, medan Sondre kom meir og meir med på midtbanen mot slutten av kampen.
– Heilt klart ei forsterking for oss. Heile laget stilte opp og revansjerte tapet mot Skjoldar/Vats. Det at me klarar å halde ut, sjølv når dei kjørte på midtvegs i andreomgang var sterkt og visar god moral. Det var nok rett med uavgjort i denne kampen, sjølv om begge laga hadde sjansen til å avgjere, seier Skjold-trenar, Bjørn Arne Steinsland.
Det var nok rett med uavgjort i denne kampen
Sterkt
Djerv 1919 hadde to tysværbuar i startoppstillinga. Haakon Kvia var den som viste best igjen, som ballfordelar på midtbanen. Han var ein av Djerv sine beste til han gjekk litt tom etter pause. Are Søderlund kom ikkje på skåringslisa denne gongen.
– Det er alltid spesielt å møte Skjold. Spesielt i år når eg får spele på a-laget. Det var ein kamp med utruleg mykje springing og duellar. det blei akkurat så tøft som me trudde på forhand, seier Haakon Kvia.
I dag var det ein utrolig kamp på dette nivået kor samlege spelarar jobba som slavar og gav alt. Det merka ein også på tribunen kor folk reiste seg i hektiske sluttminuttar. Det enda 2-2, men først av alt var det dette ein siger for den lokale 4. divisjonen.
Avaldsnes – Randaberg 2 8-0
Sunde – Torvastad 5-1
Haugar – Hinna 1-5
Skudenes – Vedavåg 1-6
Spelarbørs i avisa neste veke.
Faktaboks
Djerv 1919 2 (1)
Skjold 2 (1)
Djervbanen
4. div. avd. 3
1-0 Øystein Nærheim (23)
1-1 Hilberg Nemeth (30)
2-1 Aanen Oddenes (47)
2-2 Hilberg Nemeth (52)
Domar: Morten Stople, Buøy
Tilskodarar: 125