NM på heimebane blei eit mareritt for Tysvær-Padlaren. Heile fredag gjekk med til heilt andre ting enn å lade opp til K1 1000 meter, og kampen om Kongepokalen.
– Eg fekk vondt i magen og brukte gårdagen til ting eg ikkje vil snakke om. Det var noko dritt, smilar han tappert.
– Kor sjanselaus var du?
– Eg hadde ikkje energi og krefter til å følge Eivind (Woll), men klarte å halde unna dei fleste som kom bak meg. Det har rett og slett vore mykje trist dei siste vekene. OL-bom sist helg, vond mage og berre ein bronse i dag, er skikkleg surt. Men det var kjekt det var Eivind som vann, for han har slitt og er nå på veg tilbake for fullt, oppsummerar Ullvang, som har fleire forsøk i løpet av helga. Men Kongepokalen, den måtte han sjå langt etter.
Mange startar
Det er mange startar og finalar i eit kajakk-NM. Gina Gedick fekk med seg ein 6. plass på K1 1000 meter, ein distanse ho ikkje likar.