Ulukke laga kø

Ei trafikkulukke på E39 i ettermiddag gjorde at trafikken stoppa delvis opp. Det var like sør for Kårstø-avkjøringa det smalt.

– Nokon som veit kva som skjer? Sitter i ein lang kø på veg mot Tysvær, sto det i ein melding me fekk like etter klokka 15.30.

Det viser seg at ein trailer og to personbilar har vore innblanda. Vegen skal nå vere rydda, men som vår innsender heilt korrekt påpeikte: Det var lenge lange køar i området.

Ein person skal vere lettare skadd i ulukka.