Det byggest som aldri før i landet. Der ungdommen står i kø for å sikre seg lærlingplass som elektrikar eller tømrar skrik ein samstundes etter ungdommar med vg2 anleggsgartnar og idrettsanleggfag.
– Me har merka at dette er ei utdanning kor ein går nærast rett inn i lære. Me har i år 12 plassar på dette studiet, og alle skal nå ut i lære, mange av dei her i kommunen. Me ser i dag at det er eit stort behov for elevar med denne kompetansen, seier undervisningsleiar Kåre Åsheim.
Einaste
Tveit vgs er den einaste skulen på Haugalandet som gir denne utdanninga i dag og det merkast. Verksemder frå heile fylket har vore i kontakt med skulen og spurt etter lærlingar.
– Dette er ei linje med praktiske fag der elevane er mykje ute og jobbar. Det kan vere med steinmuring, planlegging og opparbeiding av hagar og liknande. I tillegg ser me at mange av dei som nå søkjer lærlingar driv med grøntareal knytt til større byggeprosjekt som til dømes veganlegg. Vår jobb er å ha areal og mulegheiter til å ha ei god undervisning som er så realistisk som muleg, seier rektor Randi Rettedal.
Les meir om skulen på Tveit