Latterleg moro med Tufte Johansen

Sjølvsagt begynte Tufte Johansen med å fleipe litt over lokale annonser i lokalavisa. Då er ein godt i gang og det er ingen vits å sjå seg tilbake. I nærare halvannantime kom synsingar og artige historiar på rekkje og rad. Tett og kompakt, lite slinger og daudpunkt. Når ein i tillegg har gjort heimeleksa og får lagt inn litt slengmerknadar om nabobygdene, ja då er det full siger.
– Imponerande publikum og kulturhus i Tysvær. Det meiner eg ærleg talt. Det var eit grisevêr i dag så eg fekk ikkje kjørt rundt og kikka, men dette skal eg skryte av til andre i bransjen. Eg kom skikkeleg tett på og responsen var bra, seier Tufte Johansen etter forestillinga.
Og medan folk gjekk rundt og smilte og gjenfortalte historiar i foajeen, gjorde hovudpersonen seg klar til ei travel helg med tre førestillingar til. Både Bømlo og Stord står på kalenderen.

Meir om «Mann 44» i papirutgåva neste veke, kor ein sjølvsagt også finn lokale annonser.