Det var like før klokka 10.00 at brannvesenet fekk melding om at det var mykje røyk i den «gamle» barnehagen på Frakkgjerd. Mannskap rykka ut og fekk raskt kontroll på situasjonen.
– Alle kom seg ut og me fekk slukka det som lagde røyk. Eit barn og ein vaksen fekk i seg så pass mykje røyk, at helsepersonell tok seg av dei.Alle nødetatane er på plass, i tillegg til at me sendte heim brannmannskap frå Haugesund, som var på veg innover, seier brannmannskap på staden.
– Kva var det som laga røyken?
– Slik me vurderar det var det ein elektrisk varmeutvikling i ein boks. Det gjorde at det blei svært varm og dermed ein del røyk.
Frakkagjerd barnehage ligg like nord for Sysco Arena og er den eldste på Frakkagjerd.