Fem nye mål, og tre nye poeng

– Det er kjekt å skåre mål og det gir meg ekstra krefter til å jage heile kampen. Me var betre enn dei i dag også, men Nord var betre i kveld enn sist me møtte dei i treningskamp. Det tok litt tid før me fekk 1-0, men derfrå og inn hadde me full kontroll, seier tremålskårar Sørenes.
Jan Egil Kallekodt nikka inn 3-,1 før Sondre Voll for alvor lada høgrefoten. Frå noko som såg ut til å vere frå 40 meters hald fekk han draumetreff.
– Det satt i krysset gitt. Kjente med ein gong då eg trefte at det kunne bli noko. Det blir ikkje mange slike, men det var herleg å sjå retninga på ballen, smiler Voll etter 90 aktive minuttar sentralt på midtbanen.
Stabilt begge vegar

– Me har folk som skårar mål og det er viktig.

For trenar Eivind Eidhammer har sesongstarten vore heilt perfekt.
– Me har folk som skårar mål og det er viktig. Samstundes får me drille forsvaret, som i dag var kompakt og spelte godt saman. Me såg mykje av det mønsteret me har hatt på trening i kamp, og det likar eg. Kor gode Nord og Kopervik 2 er, får me sjå etter kvart. Me har i alle fall skåra 14 mål og tatt seks poeng. det er bra, seier Falkeid-trenaren.
Nord spelte tidvis bra fotball, men var eit nummer for små mot eit Falkeid-lag som ser svært bra ut. Espen Sørenes, Emil Gismarvik og Jan Egil Kallekodt var dei som viste mest igjen. I tillegg til Sondre Voll. Mest fordi hans kanonskott etter 70 minutt fekk dei fleste av dei omlag 100 frammøtte til å glømme kor kaldt det var.

Ny kamp for Falkeid på tysdag. Då mot Karmsund.

Stegaberg speler heime mot Leirvik i morgon, medan Skjold skal til Vats og møte Vats 94/Skjoldar.