Sto fram som eit topplag

– Dei var frykteleg å spele mot. Det var spark, slag og halding heile tida. Eg skjønar ikkje heilt kva dei ville fram til, for me kjørte over dei i 2. omgang. Nå kan me ta ferie på toppen av tabellen og det er herleg, seier Kristoffer Askeland.
På stillinga 3-0 utnytta han ein keepertabbe og sendte ballen mot det opne målet. Midtstoppar Joakim Løfstrøm nådde akkurat fram i tide og slo ballen over mål. Straffe og raudt kort, på stillimga 3-0 eit kvarter før slutt.
– Ikkje så smart, men eg fekk ta straffa og sette den. Rett etter kom eg aleine og sette ballen i mål. Fin aslutning på ein fin vårsesong, seier ungguten.
Takstisk bra
Trenar Thormod Ness var sjølvsagt svært nøgd med kampen, men også han irriterte seg over unødvendig «syting» frå motstanderane.
– Det er ein kamp kor ein heile tida må passe seg og det er ikkje bra. Men me heva oss over det, fekk spelet inn i vår gate og vann stort. Herleg å ha tre goalgettarar som heile tida jagar mål. I tillegg fekk me roa ned spelet og tok over, etter at dei var frampå eit par gonger etter pause, seier Ness.
– Kva tankar har du om vårsesongen?
– Det har gått skikkeleg bra. Me har vor eit kollektiv som har jobba saman. Så har me spelarar i begge endar av banen som kan avgjere for oss. Så det er fortent. Eg ser Ølen som hardaste utfordrar, og dei speler i morgon. Blir spanande å sjå kva dei får til då, seier Thormod Ness som også i kveld kom innpå dei siste minuttane, og roa det heile.
Lurar du på om han var nær ein skåring også denne gongen…? Selvsagt. Heading utanfor frå fem meter på blank goal…
Vemund Eskevik skåra 1-0 og 2-0 i løpet av 42 sekundar.