Oddvar Helgeland serverar klassisk country saman med bandet sitt, «Howdy». Dermed er me i gang med årets lunsjkonsertar, i kafeen på Tysværtrunet. Foto: Alf-Einar Kvalavåg
Oddvar Helgeland serverar klassisk country saman med bandet sitt, «Howdy». Dermed er me i gang med årets lunsjkonsertar, i kafeen på Tysværtrunet. Foto: Alf-Einar Kvalavåg

Skikkeleg countrylunsj i dag 11.30

Fredag 11. mars kjem «Howdy» og spelar i lunsjen på Tysværtuent.

Av Alf-Einar Kvalavåg
Dermed er me i gong med årets lunsjkonsertar. Og me spanderer musikken.
– Me spelar det som kan kallast klassisk gitarbasert countrymusikk. Det blir både songar av Johnny Cash og Buck Owens, som me trur er mange sine favorittar. Me er tre karar frå Nedstrand som har dette som ein kjærkommen hobby, og me likar å spele for folk. Dette må være midt i blinken for ein musikalsk lunsj, seier Knut Edvin Norbotten og Oddvar Helgeland.
Howdy blei starta på grunn av ei svært belastande interesse for klassisk honkytonk country for cirka fire år sidan.
Etter kvart blei også Per Steinar Norbotten med, og har sidan brukt tysdagskveldane til søk i countrymusikken si verd.
– Me speler den countrymusikken som mange har vakse opp med. Vanlege gitarar og ikkje minst steelgitar. I dag er countrymusikk nesten i popgata og «alle» kan trygt både lage og synge songane utan å hamne i countrybåsen. Men der vil me være, og har vanlegvis omlag 45 songar å velje i. Til lunsjkonserten i Tysværtunet har me plukka ut seks-sju av dei me likar best, og vil servere desse til publikum, seier dei to gitaristane.
Helgeland og Norbotten er også kjende frå Okersol som trekte fullt hus då dei spelte lunsjkonsert sist sommar.
Nå blir det andre tonar, og me kan love ein fantastisk lunsj. Som vanleg er dette eit samarbeid mellom Tysvær Bygdeblad og Tysværtunet.

Konsertstart er 11.30.