– Nok ein gong prøver Rogaland Fylkeskommune å legge ned Nedstrandsferja. Det kjem ikkje Tysvær til å sitte stille og sjå på. Det ligg føre to alternativ. I det eine er Nedstrand heilt ute av ruteopplegget. Sjølvsagt kan me ikkje godta dette. I det andre ligg Nedstrand inne, men så langt eg kan sjå med færre avgangar. Det kan me heller ikkje godta. Nasjonal sykkelrute mellom sør og nord-rogaland går over Nedstrandsferja. Ferja er viktig for yrkestrafikken til og frå Foldøy – og til Sjernarøy. Det er ei storsatsing på turisme med Himakånå/Preikestolen-samarbeid. Ferja er i dag også pendlarferje for fleire, kommenterer ordførar Sigmund Lier engasjert.
Fylkessamferdselssjefen blir invitert til møte i kommuneplannemnda 6.mars, til same møte som høyringsuttalen blir teke opp politisk.
Les meir om saka i papirutgåva neste veke.