Tveit vidaregåande skule opplever stadig gode tider og er i utvikling. No har skulen fått godkjent påbygglinje.

Tveit vidaregåande er i vekst. Både når det gjeld fasilitetar og linjer. Til hausten kan dei som treng generell studiekompetanse søke plass ved den nyetablerte linja Vg4. Foto: Tveit vgs

No kan du ta generell studiekompetanse ved Tveit vgs

Tveit vidaregåande skule opplever stadig gode tider og er i utvikling. No har skulen fått godkjent påbygglinje.

av Alf-Einar Kvalavåg

Av Mona Terjesen
Det skjer mykje positivt på Tveit for tida. Som kjent driv skulen med utbygging, og no kjem nok ei gladnyhende.
– No har me fått godkjent linja Vg4 – påbygg til generell studiekompetanse etter yrkeskompetanse. Dette gjer at me no også kan tilby skuleplass til studentar som har tatt fagbrev, eller fullført treårig profesjonsutdanning i vidaregåande opplæring (Agronom, Gartner, ol), og som ønsker å studere vidare og dermed treng generell studiekompetanse, fortel rektor Kristoffer Salvesen.
Mange moglegheiter
Frå før av har den populære skulen på Nedstrand linjene Vg1 Naturbruk. På Vg2 tilbyr dei Heste- og Hovslagerfaget, Anleggsgartnar og Landbruk. På Vg3 har dei Agronom og Naturbruk (generell studiekompetanse).
– Me tilbyr ein variert studiekvardag med dyktige lærarar i naturskjønne Nedstrand. Me har ledige studieplassar også på andre linjer, seier rektoren, og legg til at det berre er å ta kontakt om ein ønsker informasjon.