Av Mona Terjesen
På denne tida pleier bøndene for lengst å ha førsteslåtten unnagjort. Kvite siloballar pleier å ligge i rekker og dyra ha plenty mat. I år er alt annleis.
– Alt er utsett minst ein månad. Me ser ikkje føre oss å ta slåtten før i slutten av juni. Det er viktig å ikkje ta den for tidlig, seier Valen.
Me besøker han på garden på Sagbakken. Han er den einaste fulltidsbonden som er igjen i Førlandsområdet. Siste tida har han på grunn av helsa, måtta hyre inn avløysarhjelp. Men heilt sidan han var 10 år gammal har 47-åringen jobba på gard. I 1989 overtok han det 300 mål store gardsbruket på Sagbakken etter Osmund Høyvik. Ikkje nokosinne har Valen opplevd så kritisk slått som i år.
– Ikkje i nærheita ein gong. Eg snakka med Osmund, han hugsa eit liknande år for rundt 60 år sidan. Tela i vår gjorde at me ikkje fekk kjørt skit, det skal vere minst 15 centimeter tint. Ein frykta at det skulle renne av. Me måtte søke dispensasjon for å få kjørt litt, fortel Valen.
Les heile saka i papirutgåva