Haugar vann etter at Martin Urnes sette eit innlegg i mål kvarteret før slutt. Innlegget kom etter svakt forsvarspel hos heimelaget. Det var beteknande for heile ettermiddagen i Grinde. Keeper håkon Bådsvik storspelte, og var svært skuffa over at det glapp til slutt.
– Heilt forferdeleg dårleg av oss. 1. omgangen var skikkeleg svak, men me heva oss etter kvilen. Me var ikkje på og gjorde det vanskeleg for kvarandre. Sjølv om eg hadde eit par gode redningar betyr det lite når me taper. Hadde fingrane på målet også, men å stoppe noko frå 20 centimeter er ikkje lett, sukkar Skjold-keeperen.
Vegard Steinsland, Aleksander Gundersen og fleire med hadde sine sjansar, men det meste suste over og utanfor.
– Det var tydeleg at dette ikkje var vår dag. Bet var rett og slett svakt, oppsummerte Håkon Bådsvik.
Fredag vann Hinna 4-0 over Vats 94/Skjoldar. Hinna er neste motstandar for Skjold.
Faktaboks
Skjold 0 (0)
Haugar 1 (0)
4. div. avd.3
Grinde stadion
0-1 Martin Urnes (76)
Domar: Warren Wade, Karmsund
Tilskodarar: 100